守成 借鉴 创新

发表时间:2016-02-15 08:02  责任编辑:广西民语委  点击:次  来源:未知
 
Soujnieb Ciqyungh Cauxmoq
——Gij Ngeixnaemj Gvendaengz Guh Ndei Aen Hong Gvanjlij Youq Ndaw Gunghcoz Benhciz Okbanj Fazhingz Bonj Gizganh Minzcuz Vwnzsw Guengjsae
Veiz Vahyungz
守成 借鉴 创新
——关于做好广西民族文字期刊编辑出版发行管理工作的思考
韦花荣
Guh ndei gij hong gvanjlij fuzvu youq ndaw gunghcoz benhciz okbanj fazhingz bonj gizganh minzcuz vwnzsw Guengjsae, doiq doidoengh gij saehnieb saujsu minzcuz yijvwnz Guengjsae、fanzyungz gij cienzdungj vwnzva ndei bonjdieg Guengjsae、youq hingzseiq moq baihlaj mboujduenh gya’gvangq gij yingjyangjliz minzcuz vwnzsw gizganh、vih gij saehnieb minzcuz doxgiet cinbu Cungguek caeuq vih gij yinzgienz saehnieb saujsu minzcuz Cungguek guh ok faenh gungyen swhgeij wnggai guh haenx, cungj miz yiyi gig youqgaenj.
做好广西民族文字期刊编辑出版发行管理的服务工作,对推进广西的少数民族语文事业、繁荣广西本土优秀的传统文化、在新形势下不断扩大民族文字期刊的影响力、为中国的民族团结进步事业、中国少数民族的人权事业做出自己应有的一份贡献,都具有十分重要的意义。
Aenvih dwg boux gunghcozcej ndeu youq ndaw hidungj saujsu minzcuz yijvwnz Guengjsae, caemh dwg boux guh hong gvanjlij ngoenznaengz bonj gizganh 《Sam Nyied Sam》 minzcuz vwnzsw Guengjsae dandog ndeu, gou roxnyinh guh ndei gunghcoz bonjfaenh mboujdanh yiyi gyaeraez, caemhcaiq roxnyinh diuz rap youq gwnzmbaq naekgywggywg, seizneix gou giethab gij caensaed gamjsouh ciengzgeiz youq 《Sam Nyied Sam》 cazcise guh hong caeuq gij iugiuz dangj caeuq guekgya doiq minzcuz vwnzsw gizganh youq hingzseiq moq baihlaj , daj baenzlawz guh ndei gij gvanjlij fuzvu gunghcoz benhciz、okbanj、fazhingz 《Sam Nyied Sam》 bae guh damqcaz cobouh, yawhbienh  hawj gak boux lingjdauj、gak boux doengzhangz caeuq gak boux doengzsaeh bae bihbingz ceijcingq.
作为广西少数民族语文工作者中的一员,作为广西唯一民族文字期刊——《三月三》杂志日常具体工作的管理者,我深感做好本职工作既意义深远、又重任在身,现结合长期在《三月三》杂志社工作的具体感触、新形势下党和国家对民族文字期刊的要求,就如何做好《三月三》编辑、出版、发行的管理服务工作进行初步探索,以便各位领导、各位同行、各位同事批评指正。
It、Soujnieb
(It)Youq Cijdauj Swhsiengj Gwnz He Daj Gyaeuj Daengz Rieng Aeu Giendingh Cwngci Fuengyiengq Deng
  • 守成
    (一)指导思想上始终坚持正确的政治方向
  Daj《Sam Nyied Sam》1986 nienz cauxbanh ngoenzhaenx hwnj, youq baihgwnz mizgven bumwnz daihlig cihciz caeuq cijdauj baihlaj, aen cazcise dou youq banganh cijdauj swhsiengj gwnz he, daj gyaeuj daengz rieng giendingh cwngci fuengyiengq deng、daj gyaeuj daengz rieng genhciz aeu gij ganhvuz minzcuz vwnzsw cizlieng sang haenx bae fuzvu gij ginzcung saujsu minzcuz Guengjsae nemdaengz daengx guek. Seizgan hamj haeuj sigij moq, youq lizsij hingzseiq moq baihlaj, raeuz aeu gij cingsaenz youq ndaw hilez gangjvah youqgaenj Siz Ginbingz cungjsuhgi guh cijdauj, genhciz cwngci fuengyiengq deng、genhciz dangjsingq yenzcwz、genhciz yizlun daujyiengq deng, caenh’itbouh guh ndei gij hong benhciz、okbanj caeuq fazhingz bonj gizganh saujsu minzcuz vwnzsw Guengjsae , bau gizganh minzcuz vwnzsw gih raeuz neix cangqvuengh yiengq baihnaj fazcanj.
自《三月三》1986年创刊之日起,在上级有关部门的大力支持和指导下,我社在办刊的指导思想上,始终坚持正确的政治方向、始终坚持以高质量的民族文字刊物为广西乃至全国的少数民族群众服务。时间跨入新世纪,在新的历史形势下,我们要以习近平总书记系列重要讲话精神为指导,坚持正确的政治方向、坚持党性原则、坚持正确舆论导向,进一步做好广西的少数民族文字期刊的编辑、出版和发行工作,确保我区的民族文字期刊健康地向前发展。
 (Ngeih)Youq Gidij Yezvu Gwnz De Genhciz Gij Banganh Cienzdungj Ndei Daj Gij Hong Cazcise Ciengzgeiz Rom Baenz Haenx  
 (二)具体业务上坚持杂志社长期工作积累形成的办刊优良传统
  Gih raeuz minzcuz vwnzsw gizganh vunzbanganh daj 《Sam Nyied Sam》1986 nienz cauxbanh ngoenzhaenx hwnj, couh cizgiz gunghcoz、lai guh gungyen、mbeihung damqcaz, gaenh 30 bi daeuj haekfug le cienz noix daengj cungjcungj gunnanz, guhbaenz le gij banganh cienzdungj gig dijbauj.Youq yiengq banlaux hagsib doengzseiz, raeuz lij aeu genhciz cazcise raeuz cienzdungj ndei youz gyoengqde gunghcoz gaenx guh cikrom roengzdaeuj haenx, neix couhdwg youq veijdangjcuj giengiengz lingjdauj baihlaj, nyinhcaen hagsib gvancez gij cingsaenz youqgaenj ndaw dangjcunghyangh gak gaiq cienzhoih, aeu gij cingsaenz youqgaenj ndaw Cunghyangh Minzcuz Gunghcoz Veiyi daengj cijdauj gidij yezvu gunghcoz, daj gyaeuj daengz rieng genhciz yungh gij ganhvuz minzcuz vwnzsw cizlieng sang bae fuzvu gij ginzcung saujsu minzcuz Guengjsae nemdaengz cienzguek. Youq hingzseiq moq baihlaj, raeuz aeu genhciz gij cienzdungj ndei banganh, youq neix giekdaej gwnz he, gaenjgaenj hopngomx gij muzbyauh saedyienh “Loqsiengj Cungguek”、guh baenz siujgangh sevei daengj, ciuq gunghcoz baijbouh Swcigih Minzveij、Swcigih Minzyijveij, aeu daezsang ganhvuz cizlieng guh cungdenj, doengzseiz roengzrengz gyagvangq fazhingzliengq, nyinhcaen ca ndei gak hangh gunghcoz cazcise, anq ciz anq liengq guhbaenz gij yinvu benhciz、okbanj caeuq fazhingz《Sam Nyied Sam》banj Sawcuengh、banj Sawgun cazci, vih gij gensez cwngci、ginghci、vwnzva minzcuz digih guh ok gungyen.
我区的民族文字期刊办刊人自《三月三》1986年创刊之日起,便积极工作、勇于奉献、大胆探索,近30年来克服了经费缺少等种种困难,形成了非常宝贵的办刊优良传统。在向前辈致敬的同时,我们还要一以贯之坚持由他们辛勤工作而积累下来的我社优良传统,即在委党组的坚强领导下,认真学习贯彻党中央历届全会的重要精神,以中央民族工作会议重要精神等指导具体的业务工作,始终坚持以高质量的民族文字刊物为广西乃至全国的少数民族群众服务。在新的形势下,我们要坚持办刊的优良传统,在此基础上,紧紧围绕实现“中国梦”、建成小康社会等目标,按照自治区民委、自治区民语委的工作部署,以提高刊物质量为重点,同时努力扩大发行量,认真抓好杂志社的各项工作,按质按量完成《三月三》壮文版、汉文版杂志的编辑、出版和发行任务,为民族地区的政治、经济、文化建设作出应有的贡献。
    1.Bau cazci okbanj bingzciengz. Daengz seizneix, 《Sam Nyied Sam》cazcise maqhuz ndei guhbaenz le gij gunghcoz benhciz okbanj fazhingz 6 geiz banj Sawcuengh caeuq 12 geiz banj Sawgun youq ndaw nienzdoh 2015 nienz. Youq Swcigih Minzveij caeuq Swcigih Minzyijveij lingjdauj gvansim cijdauj baihlaj, bineix cazcise caenh’itbouh gyagiengz gij gunghcoz cujgauj、biengauj daengj, daezsang cizlieng ganhvuz, roengzrengz gyagvangq fazhinglieng, daezswng gij yingjyangjliz cazcise youq ndaw sevei. Bineix mboengq ngoenzciet “Bouxcuengh Sam Nyied Sam”, cazcise raeuz ciuq Swcigih Minzveij、Minzyijveij lingjdauj iugiuz, saeqsim cujciz suenqveh, youq banj Sawcuengh daih 3 geiz caeuq banj Sawgun daih 5 geiz bienfat le gij gaujgen caeuq “Bouxcuengh Sam Nyied Sam” ngoenzciet mizgven haenx, gya yieb miz caijsaek 32 yieb, hawj cazci doz caeuq saw cungj miz、neiyungz gyalai, ndigah engq ndaej gyoengq bouxdoeg angqcoux. Baezneix, cazci banj Sawcuengh caeuq banj Sawgun aeu laebdaeb cungjgez gunghcoz ginghyen、ceng’aeu baihlaeng youq ndaw banganh engq ciep heiqdieg ( couhdwg nemgaenh saedsaeh、nemgaenh saedceij、nemgaenh ginzcung), roengzrengz daezsang gij suijbingz fuzvu ginzcung youq minzcuz digih.
1、确保杂志正常出版。至今为止,《三月三》杂志社较好地完成了2015年年度6期壮文版和12期汉文版的编辑出版发行工作。在委领导的关心指导下,今年杂志社进一步加强组稿、编稿等环节的工作,提高刊物质量,努力扩大发行量,提升杂志社在社会的影响力。今年壮族“三月三”节日期间,我社按照自治区民委、民语委领导的要求,精心组织策划,在壮文版第3期和汉文版第5期编发了与“壮族三月三”节日有关的稿件,增加彩页,使杂志图文并茂、内容丰富,因而更受广大读者的欢迎。今后,杂志的壮文版和汉文版要继续总结工作经验、争取在日后办刊中更接地气(即贴近实际、贴近生活、贴近群众),努力提高服务民族地区群众的水平。
2. Daezsang suciz, nyinhcaen gaihcanj gij hozdung hagsib cwngci caeuq yezvu, vih mboujduenh banh ndei gizganh minzcuz vwnzsw dwk ndei giekdaej cwngci swhsiengj、yezvu suijbingz. “Ruz nyig raemx, mbouj bae cix dauq”, bouxbanganh youq ndaw gizganh minzcuz vwnzsw raeuz aeu genhciz cienzdungj ndei, gaengawq gij dungjit baijbouh gihgvanh baihgwnz, doenggvaq gakcungj hingzsik hagsib, giethab gij gidij iugiuz youq saedsaeh gunghcoz bonj cazcise, mboujduenh daezsang gij suijbingz cwngci swhsiengj ganbu cizgungh caeuq gij suijbingz yezvu gunghcoz, ndaej caeuq seizdaih caez byaij dwk banh ndei ganhvuz, caenh’itbouh fuzvu ndei gyoengq bouxdoeg minzcuz vwnzsw ganhvuz.
2、提高素质,认真开展政治和业务学习活动,为不断办好民族文字期刊打下良好的政治思想、业务水平基础。“逆水行舟,不进则退”,我们民族文字期刊的办刊人要坚持好的传统,根据上级机关统一部署,通过各种形式的学习,结合本社实际工作的具体要求,不断提高干部职工的政治思想水平和业务工作水平,以与时俱进办好刊物,进一步服务好民族文字刊物的读者群。
3.Guh ndei fuzvu gunghcoz, hen ndei gij sim daengxcungq ganbu cizgungh guh saeh, cungfaen fazveih gij cozyung moix boux ganbu cizgungh miz mbouj doengz dungxcaiz haenx.
3、做好服务工作,呵护杂志社全体干部职工干事业的热情,充分发挥拥有不同才干的每一位干部职工的作用。
(1)Ceihdingh caeuq saedhengz ganghvei cwzyinci.Vihliux hableix sawjyungh gij yinzliz swhyienz、youhva baihndaw gezgou、gyangzva gvanjlij gihci bonj danhvei, sawj gak ganbu cizgungh youq mboujdoengz ganghvei cizcwz faenmingz、muzbyauh mingzgoz、ciengj fad faenmingz, gikfat gij cizgizsingq guh saeh daengx se ganbu cizgungh, cungfaen fazveih gij cozyung moix boux ganbu cizgungh miz mbouj doengz dungxcaiz haenx, caenh’itbouh daezsang gij suijbingz gvanjlij caeuq okbanj ganhvuz, bau bonj se gak hangh gunghcoz ndaej guhbaenz, aen se raeuz bineix ceihdingh caeuq saedhengz le ganghvei cwzyinci ciengzsaeq, daj yaujgoj daeuj yawj, ceng mbouj lai dabdaengz le gij muzbyauh yawhgeiz haenx.
(1)制定和实施岗位责任制。为了合理使用本单位的人力资源、优化内部结构、强化管理机制,使各岗位的干部职工职责分明、目标明确、奖罚分明,激发全社干部职工的干事业的工作积极性,充分发挥拥有不同才干的每一位干部职工的作用,进一步提高刊物出版管理水平,确保本社各项工作的圆满完成,我社今年制定和实施了详尽的岗位责任制,从结果来看,岗位责任制的实施,大体上达到了预期的目标。
(2)Bangrengz “Moengh Cungguek” , lienzhab gawjbanh aen hozdung hoih fwen minzcuz doxgiet hungzyangz caeuq hengzguh gij gyacizgvanh haedsim seveicujyi. 1 nyied 28 hauh, aen se raeuz lienzhab Nanzningz Si Minzveij、Nanzningz Si Minzyijveij youq mbanjcuengh gyaeu’ndei—Vujmingz Yen doengzcaez gawjbanh aen hozdung hoih fwen minzcuz doxgiet hungzyangz caeuq hengzguh gij gyacizgvanh haedsim seveicujyi. Hoih fwen neix aeu “hungzyangz minzcuz cingsaenz, doengz guh Moengh Cungguek” guh cawjdaez, aeu senhconz gij cingsaenz cunghyangh minzcuz gunghcoz veiyi caeuq gij gyacizgvanh haedsim seveicujyi guh cujyau neiyungz, aeu gij hingzsik vwnzyi byaujyenj doiqfwen Vahcuengh yenzswnghdai、go foux minzcuz dijyen minzcuz cingsaenz caeuq seizdaih cuj senzliz daengj, baijok le gij cingsaenz funghmau caeuq maqmuengh gyaeu’ndei gak cuz ginzcung Guengjsae caez guh ranz gyaeu. Aen se raeuz dwg fueng cawjbanh ndeu, baij ok 8 boux ganbu cizgungh daj gyaeuj daengz rieng cungj camgya hozdung, youq banh ndei hoih fwen mbat neix, doengzseiz lij youq yienzdieg fat gij senhconz swhliu mizgven seveicujyi haedsim gyacizgvanh caeuq minzcuz cihsiz caeuq 《Sam Nyied Sam》(banj Sawcuengh) cazci, caenh ndaej dawz gij cingsaenz Cunghyangh Minzcuz Gunghcoz Veiyi cienz daengz gihcwngz、senhconz daengz ginzcung, caenhliengh roengzrengz daezsang caeuq cienzgvangq gij mingzdaeuz ndei bonj cazci raeuz. 
(2)助力“中国梦”,联合举办弘扬和践行社会主义核心价值观民族团结山歌会活动。1月28日,我社联合南宁市民委、南宁市民语委在美丽壮乡——武鸣县共同举办了弘扬和践行社会主义核心价值观民族团结山歌会。山歌会以“弘扬民族精神,共筑中国梦”为主题,以宣传中央民族工作会议精神和社会主义核心价值观为主要内容,以体现民族精神和时代主旋律的原生态壮语山歌对唱、民族歌舞等文艺表演形式,展现了广西各族群众共建美丽家园的精神风貌和美好愿景。我社作为主办方之一,派出8名干部职工全程参与活动,在办好本次山歌会的同时,还在现场发放有关社会主义核心价值观和民族知识的宣传资料以及《三月三》(壮文版)杂志,尽可能把中央民族工作会议精神传达到基层、宣传到群众,尽量努力提高本杂志的知名度和美誉度。
(3)Caez ok cawjeiq, caez ok ligliengh, banh baenz yizsiz fat ciengj  vih gij fwen cuengh “seveicujyi haedsim gyacizgvanh” ndei caeuq《Sam Nyied Sam》banganh codanzvei. Bonj saw《Seveicujyi Haedsim Gyacizgvanh Bonjfwen Sawcuengh 》youz Swcigih Sinhvwnz Cujbanj Gvangjdengiz bued hawj minzcuz vwnzsw okbanj cienhangh swhginh bangcoh、aen se raeuz benhciz okbanj youq 2014 nienzdaej swnhleih okbanj. Bonjfwen neix okbanj le, aen se raeuz cujciz mizgven conhgyah bingz ciengj, lij youq 6 nyied 10 hauh banh fat ciengj yizsiz vih fwen cuengh “seveicujyi haedsim gyacizgvanh” ndei caeuq 《Sam Nyied Sam》banganh codanzvei, gij bumwnz lingjdauj minzcuz、sinhvwnz okbanj gvangjden、vwnzva、gyauyuz gih raeuz caeuq gij conhgyah yozcej mizgven、gij cozcej daibyauj ndaej ciengj、gij ganbu cizgungh daengx se daengj 50 lai vunz camgya. Swcigih Minzveij、Minzyijveij cujyin Luz Yenbenj, Swcigih Sinhvwnz Okbanj Gvangjdengiz fugizcangj Cinz Yingjhungz, Swcigih Minzyiveij fucujyin Vangz Cenzcungh, Swcigih Vwnzlenz fucujsiz Veiz Suhvwnz daengj lingjdauj camgya le fat ciengj yizsiz caeuq codanzvei, gyoengqde lij fatbiuj gij gangjvah haemq youqgaenj. Aen yizsiz fat ciengj fwen cuengh ndei ndaej banh baenz, doiq minzcuz digih ungganq caeuq saedhengz seveicujyi haedsim gyacizgvanh, diuhdoengh gij cizgizsingq gyoengqcozcej yungh minzcuz yijvwnz sij fwen sizcwng haenx, caenh’itbouh hungzyangz minzcuz vwnzva “fwenhaij” Guengjsae gig miz daegsaek neix, miz gij cozyung cizgiz coicaenh.《Guengjsae Yizbau》、《Guengjsae Minzcuz Bau》daengj meizdij cungj miz baudauj, yinx hwnj gyoengq bouxdoeg gvansim. Doengzseiz, yungh’eiq youq cam gij banganh yigen codanzvei caemh dabdaengz le gij yaugoj raeuz liuhsiengj baihnaj. Gij lingjdauj、conhgyah、gij daibyauj fwen cuengh ndaej ciengj camgya cozdanvei haenx doiq baenzlawz banh ndei 《Sam Nyied Sam》daezok le haujlai genyij caeuq yigen deng ngamj. Doeklaeng, raeuz aeu mbat codanzvei neix guh gigih, nyinhcaen ngeixnaemj gij genyij caeuq yigen youq codanzvei dingq ndaej haenx, giethab gij gunghcoz saedsaeh aen se raeuz cizgiz dwk supsou, sawj cazci raeuz yied banh yied ndei.
(3)群策群力,成功举办“社会主义核心价值观”优秀壮文山歌颁奖仪式暨办刊座谈会。由自治区新闻出版广电局拨付民族文字出版专项资金资助、我社编辑出版的《社会主义核心价值观壮文山歌专集》于2014年底顺利出版。该山歌集出版后,我社组织有关专家进行评奖,并于6月10日举行“社会主义核心价值观”优秀壮文山歌颁奖仪式暨《三月三》办刊座谈会,我区民族、新闻出版广电、文化、教育等部门的领导以及相关专家学者、获奖作者代表、我社全体干部职工等50余人参加。自治区民委、民语委主任卢献匾,自治区新闻出版广电局副局长陈映红,自治区民语委副主任王泉忠,自治区文联副主席韦苏文等领导出席了颁奖仪式暨座谈会并发表重要讲话。优秀壮文山歌颁奖仪式的成功举办,对于在民族地区培育和践行社会主义核心价值观,调动广大山歌作者利用民族语文创作时政山歌的积极性,进一步弘扬广西富有特色的“歌海”民族文化,起到了积极的促进作用。《广西日报》、《广西民族报》等媒体均予以报道,引起了广大读者的关注。同时,旨在征求意见的办刊座谈会也达到了预期的效果,与会领导、专家、壮文山歌获奖代表就如何办好《三月三》提出了很多中肯的建议和意见。会后,我们以此次座谈会为契机,认真思考座谈会中听到的意见和建议,结合我社的工作实际积极加以吸收,使我们的杂志越办越好。
(4)Gawjbanh Sawcuengh Sejcoz Beizyinbanh Gaiq Daihroek Guengjsae. 8 nyied 4 hauh daengz 7 hauh, aen Guengjsae Daihroek Gaiq Sawcuengh Sejcoz Beizyinbanh youz aen se raeuz cawjbanh haenx youq Nanzningz hai banh,  gij cozcej sawcuengh 50 lai vunz daj daengx gih gak hangz gak nieb daeuj haenx camgya le beizyin. Beizyinbanh cingj le Swcigih Minzyijveij fucujyin Yangz Gijbyauh, Cunghyangh Minzcuz Dayoz gyausou、bozswswngh daujswh Vangz Fungyenj daengj lingjdauj caeuq conhgyah daeuj gangj goq, neiyungz gangj goq fungfouq ciengzsaeq、fuengsik gangj goq sengdoengh mizyinx, gyoengq yozyenz foenfoen byaujsi: Camgya beizyinbanh mbat neix, souh ik mgouj noix, baihlaeng itdingh roengzrengz sij ok gij cozbinj Sawcuengh miz faenhliengh haenx.
(4)举办广西第六届壮文写作培训班。8月4日至7日,由我社主办的广西第六届壮文写作培训班在南宁举行,来自全区各行各业的壮文作者50余人参加了培训。培训班聘请了自治区民语委副主任杨启标,中央民族大学教授、博士生导师黄凤显等领导和专家来授课,授课内容丰富详实、授课方式生动有趣,学员们纷纷表示:参加此次培训班,受益匪浅,以后一定努力写出有分量的壮文作品。
(5)Cujciz benhciz yinzyenz camgya 2015 nienz Cungguek (Vujhan) Gizganh Gaicawx Bozlanjvei. 9 nyied 18 hauh—20 hauh, 2015 nienz Cungguek (Vujhan) Gizganh Gaicawx Bozlanjvei youq Huzbwz Swngj Vujhan Si Gozci Veicanj Cunghsinh lungzcung haibanh, de gungh miz 45 aen guekgya caeuq digih、ndaw guek 31 aen swngjgihsi caeuq boufaenh cunghciz danhvei gungh 12000 lai aen bauganh cuzbanj danhvei、400 lai aen duzsuh yinhsieng cuzbanj gihgou camgya canjlanj, gungh miz 40 fanh vunz canhgvanh, banh ndaej gig ndei. Cienzguek Cwnghez fucujsiz Ciz Suzcunh caeuq Gozgyah Sinhvwnz Cuzbanj Gvangjden Cungjgiz fugizcangj Vuz Sangcih daengj lingjdauj dungzci camgya baez bozlanjvei neix. Gaengawq gij baijbouh caeuq iugiuz Swcigih Sinhvwnz Cuzbanj Gvangjdengiz, aen se raeuz baiq 6 boux benhciz yinzyenz daengz Vujhansi camgya baez gizganh gaicawx bozlanjvei neix, lij laeb canjvih, dawz《Sam Nyied Sam》cazci (banj Sawcuengh、banj Sawgun) daengz yienzdieg canjlanj, yinx ndaej camgya veiyi lingjdauj caeuq gyoengq bouxdoeg gvansim. Gozgyah Sinhvwnz Cuzbanj Gvangjden Cungjgiz fugizcangj Vuz Sangcih daeujdaengz Guengjsae canjvei, fanyawj le《Sam Nyied Sam》cazci (banj Sawcuengh、banj Sawgun), angq dwk doiq bouxfucwz aen se raeuz naeuz: “Cazci sou miz daegsaek, aeu roengzrengz banh ndei, vih gvangjda yinzminz ginzcung fuzvu.”
(5)组织编辑人员参加2015年中国(武汉)期刊交易博览会。9月18日——20日,2015年中国(武汉)期刊交易博览会在湖北省武汉市国际会展中心隆重举行,共有45个国家和地区、国内31个省区市及部分中直单位的12000多家报刊出版单位、400多家图书音像出版机构参展,共有40万人参观,取得了圆满成功。全国政协副主席齐续春和国家新闻出版广电总局副局长吴尚之等领导同志出席博览会。根据自治区新闻出版广电局的部署和要求,我社派6名编辑人员到武汉市参加这次期刊交易博览会,并设展位,把《三月三》杂志(壮、汉文版)拿到现场展览,引起与会领导领导和广大读者的关注。国家新闻出版广电总局副局长吴尚之来到广西展位,翻阅了《三月三》杂志(壮、汉文版),高兴地对我社负责人说:“你们的杂志有特色,要努力办好,为广大人民群众服务。”
(6)Genhciz roengz gihcwngz bae diucaz yenzgiu caeuq gaihcanj gij hozdung soengq saw roengz mbanj.Youq ginghfei mizhanh gij cingzgvang baihlaj, bineix aen se raeuz haekfug gunnanz, cizgiz roengz gihcwngz bae diucaz yenzgiu caeuq gaihcanj gij hozdung soengq saw roengz mbanj. Bineix cujciz vunz daengz Gvangjsih Sawcuengh Yozyau、Dunghlanz Yenveij Senhconzbu、Bingzgoj Yen Minzyijban、Vujmingz Yen Daibingz Cin Gingloz Siujyoz、Hozciz Bahmaj Minzcuz Swhfan Yozyau、Bahmaj Banzyangz Sawcuengh Sizyen Siujyoz、Dunghlanz Gyanghbingz Siujyoz、Dunghlanz Vujcon Siujyoz、Vanzgyangh Mauznanzcuz Swciyen Cinghdanz Siujyoz caeuq Yinzhoz Siujyoz、Vujsenh Yen Dungzlingj Cin Cunghsinh Siujyoz caeuq Sinhlungz Siujyoz daengj yozyau, soengq bae《Bonjfwen Sawcuengh Seveicujyi Haedsim Gyacizgvanh》cwnghganh caeuq《Sam Nyied Sam》banj Sawcuengh、banj Sawgun song banj cazci gungh miz daih’iek seiq cien cek. Youq roengz gihcwngz bae diucaz yenzgiu doengzseiz, simhaw dingq gij banganh yigen bouxdoeg dangdieg, yawhbienh daezsang gij suijbingz raeuz fuzvu bouxdoeg youq gihcwngz.
(6)坚持深入基层调研和开展送书下乡活动。在经费有限的情况下,今年我社克服困难,积极深入基层调研和开展送书下乡活动。今年组织人员到广西壮文学校、东兰县委宣传部、平果县民语办、武鸣县太平镇庆乐小学、河池巴马民族师范学校、巴马盘阳壮文实验小学、东兰江平小学、东兰武篆小学、环江毛南族自治县清潭小学和仁和小学、武宣县桐岭镇中心小学和新龙小学等学校,送去《社会主义核心价值观壮文山歌专集》增刊和《三月三》壮、汉两版杂志总计约四千册。深入基层调研的同时,虚心听取当地读者的办刊意见,以提高我们服务基层读者的水平。
Ngeih、Ciqyungh
Neix cujyau dwg ceij ciqyungh gij guhfap bauceij caeuq gizganh minzcuz vwnzsw beixnuengx danhvei ndaw gih caeuq rog gih raeuz, caenh’itbouh banh ndei 《Sam Nyied Sam》cazci、daezsang gij yingjyangjliz cazci caeuq gya’gvangq gij gienzleih gangjvah haenx, engq ndei bae fuzvu gyoengq bouxdoeg youq minzcuz digih.
 二、借鉴
 这主要是指借鉴区内外兄弟民族文字报纸和期刊的做法,进一步办好《三月三》杂志、提高杂志的影响力和扩大话语权,以更好地服务于民族地区的广大读者。
1.Ciq rumzswnh lumj gij cingsaenz gak cungj gezyi aen Dangjcunghyangh raeuz caeuq gij cijsi bumwnz baihgwnz mizgven, baujciz gij dagiz yisiz “gangj cwngci”、hopngomx gij cunghsinh gunghcoz dangj caeuq cwngfuj bae gaihcanj gidij yezvu.Youq gunghcoz ngoenznaengz ndawde, genhciz gij cizyez cauhsouj bouxbauganh cizyez, caeuq seizdaih caez byaij, doenggvaq mbouj doengz saenqsik gizdau, gibseiz liujgaij、lijgaij gij gunghcoz cungj iugiuz dangj caeuq yinzminz cwngfuj doiq minzcuz vwnzsw bauganh lumj《Sam Nyied Sam》daengj, giuj dwk doenggvaq gak cungj vwnzyoz cozbinj ginzcung maij dingq gyaez yawj, bau gij singyaem Dangjcunghyangh ndaej gibseiz cienz daengz gihcwngz ginzcung caeuq bingzciengz bouxdoeg ndawde bae, sawj gyoengqde haeuj uk youh haeuj sim.
  1. 借党中央各种决议精神和上级有关部门指示精神的东风,保持“讲政治”、围绕党和政府的中心工作开展具体业务的大局意识。在日常工作中,坚持职业报刊人的职业操守,与时俱进,通过不同信息渠道,及时了解、理解党和人民政府对《三月三》等民族文字报刊的工作总要求,巧妙通过群众喜闻乐见的各种文学作品,确保党中央的声音能及时传达到基层群众和普通读者之中,使之入脑又入心。
    2、Ciqbaengh gij guhfap ndei minzcuz vwnzsw bauganh beixnuengx lumj 《Sihcang Yizbau》、《Gvangjsih Minzcuz Bau》 daengj, doenghfwngz doicaenh gij gunghcwngz hwnj muengx《Sam Nyied Sam》.Gidij guhfap dwg: Ciqbaengh gij vangjcan Gvangjsih Minzveij、Gvangjsih Minzyiveij、Gvangjsih Minzcuz Bau daengj, youq gwnz muengx doxciep、fatbiuj gij banj denswj cazci, ciqyungh bingzdaiz meizdijmoq, haigvangq gij gizdau fuzvu, ndaej bae engqndei fuzvu gyoengq bouxdoeg mboujdoengz、mboujduenh gyahung gij yingjyangjliz cazcise. Doengzseiz, ciqbaengh gij cwngcwz bangfuz mizgven guekgya, cizgiz ceng’aeu gij swhginh cihciz guekgya caengzmienh.
  1. 借鉴《西藏日报》、《广西民族报》等兄弟民族文字报刊的好做法,着手推进《三月三》上网工程。具体做法是:借助广西民委、广西民语委、广西民族报等网站,在网上链接、发表杂志的电子版,借助新媒体平台,拓宽服务渠道,以更好服务不同的读者群、不断扩大杂志社的影响力。同时,借助国家的有关扶持政策,积极争取国家层面的资金支持。
3.Cingjhab swhyienz, guh ndei gij hong ciq uk ciq rengz, mboujduenh bae daezsang gij yingjyangjliz ganhvuz. Vih banh ndei《Sam Nyied Sam》, raeuz aeu netsaed guh ndei gij hong baihlaj: (1) Cawjdoengh bae caeuq gij danhvei caeuq conhgyah mizgven ndaw Guengjsae raeuz lenzhaeh caeuq gyauhliuz, leihyungh gak cungj ciengzhab cingqsik roxnaeuz mbouj cingqsik, hawsim bae dingq gij yigen caeuq genyij ndei youq gak fuengmienh, youq gij gihcuj ceng’aeu sevei gakgyaiq cihciz gij hong cazcise baihgwnz, cengaeu mboujduenh guh ndaej ok bonj gizganh Sawcuengh miz daegsaek bonjdeih caeuq daegsaek seizdaih. (2)Cawjdoengh lienzhaeh gij cozgyah roxnaeuz mizgven conhgyah saujsu minzcuz baihndaw caeuq baihrog Guengjsae, yiengq gyoengqde iekgauj, sikdangq daezsang gaujngaenz, ceng’aeu ndaej gij gaujgienh Sawcuengh caeuq Sawgun caetliengh haemqsang haenx, mboujduenh daezsang gij cizlieng caeuq yingjyangjliz bonj ganhvuz raeuz. (3) Doenggvaq gij fuengsik mizyauq lumj beizyin daengj, caeuq danhvei beixnuengx lumj Gvangjsih Minzcuz Bause daengj dazfwngz, miz eiqsik bae beizyangj aen gijbwnj sejcoz duivuj youq minzcuz digih aeu saujsu minzcuz vwnzsw daeuj sejcoz haenx. (4) Laebdaeb caeuq gij bouxdoeg caeuq bouxsij ndaw guek caeuq rog guek gyagiengz lienzhaeh, aeu bonj cazci banj Sawcuengh raeuz fathengz daengz engq lai hawsingz、lajmbanj ndaw gih rog gih caeuq mizgven guekgya caeuq digih lumj Meijgoz daengj bae, fuengbienh mboujduenh daezsang gij yingjyangjliz bonj cazci Sawcuengh. 
3、整合资源,开展借脑借力工作,不断提高刊物的影响力。为办好《三月三》,我们扎实地开展了如下工作:(1)主动与广西区内有关单位和专家进行联系交流,利用各种正式或不正式的场合,虚心听取各方面好的意见和建议,在争取社会各界对杂志社工作支持的基础上,力争不断办出富有地方特色、时代特色的壮文期刊。(2)主动联系区内外知名的少数民族作家或有关专家,向他们约稿,适当提高稿酬,争取到较高质量的壮汉文稿件,不断提高刊物的质量和影响力。(3)通过培训等有效方式,和广西民族报社等兄弟单位共同努力,有意识培养民族地区能熟练使用少数民族文字创作的基本写作队伍;(4)继续加强与国内外读者和作者的联系,把壮文版杂志发行到区内外更多的城市、乡村和美国等有关国家和地区,以不断提高壮文杂志的影响力。
Linghvaih, lai naemj di banhfap demlai di cienzsawj banganh. Gaenx veibau、mbouj lau dwgrengz lai byaij geij baez roen, ceng’aeu hawj mizgven bumwnz gaepsang (lumj Gih Minzveij、Gih Sinhvwnz Cuzbanj Gvangjbo Densigiz、Gih Gyauyuzdingh) rox caeuq lijgaij gij gunnanz raeuz noix cienz sawj, roengzreng hawj mizgven bumwnz gaepsang bang cihciz ginghfei, yienghneix baujmaenh cazci raeuz banh ndaej engq ndei.
此外,想方设法增加办刊经费。勤汇报、多跑腿,争取上级有关部门(比如区民委、新闻出版广电局、教育厅)了解和理解我社经费上的困难,努力争取上级部门给予经费支持,以确保把我社办得更好。
Sam、Cauxmoq
  • 创新
     Gaengawq gij cijsi cingsaenz aeu gensez aen guekak vwnzva youz Dangjcunghyangh daezok, youq gij yezvu cijdauj mizgven bumwnz gaepsang lumj Guengjsae Sinhvwnz Cuzbanj Gvangjbo Densigiz baihlaj, youq gij giengiengz lingjdauj Guengjsae Minzyijveij Dangjcuj baihlaj, bouxbanganh minzcuz vwnzsw Guengjsae youq ndaw sim laebhwnj gij eiqsik daihbuenz cwngci caeuq gij eiqsik dangrap yiengh seizgan mbouj caj vunz, youq ndaw hong gidij, genhgez gvancez lozsiz gij cijsi veijlingjdauj, cizgiz bae cauxmoq, vih aeu bonj ganhvuz minzcuz vwnzsw engqndei bae fuzvu gyoengqvunz lai youq ndaw digih minzcuz. 
     根据党中央建设文化大国的指示精神,在区新闻出版广电局等有关上级部门的业务指导下,在委党组的坚强领导下,广西民族文字期刊的办刊人树立起政治大局意识、时不我待的担当意识,在具体工作中坚决贯彻落实委领导的指示,积极进行创新,以好的民族文字刊物服务民族地区的广大群众。
    (It) Aeu cwnggoz bae bingzguj gij sihgiuz 《Sam Nyied Sam》.
  • 正确评估对《三月三》的需求。
    1. Gij sihgiuz youq gwnz fuengmienh cwngci. Bouxboux cungj aiq rox, gij yijyenz、vwnzsw saujsu mincuz Guengjsae veizhi gij gamjcingz saujsu minzcuz aen gih raeuz haemq youqgaenj, caiqlix bonj cazci《Sam Nyied Sam》banj Sawcuengh dwg bonj gizganh minzcuz vwnzsw dog ndeu beixnuengx Bouxcuengh 1800 lai fanh vunz ndaw guek raeuz, aenvih de caeuq gij saehnieb minzcuz doxgiet cinbu gvanlienz haemq youqgaenj, bonj cazci 《Sam Nyied Sam》 gaenq baenz gij siengcwngh gidij gij saehnieb minzcuz doxgiet cinbu Guengjsae caeuq Cungguek. Ndigah, banh bonj ganhvuz neix ndei bae, mboujdanh dwg mbangj neiyung gij saehnieb minzcuz doxgiet cinbu Cungguek, caemhcaiq dwg gij hong aeu guh ndei bae youq ndaw hong aeu doicaenh gij saehnieb minzcuz doxgiet cinbu Guengjsae caeuq Cungguek youq hingzseiq moq baihlaj.
1.政治上的需求。众所周知,广西的民族语言、民族文字维系着我区少数民族的感情,而《三月三》壮文版是中国1800多万壮族同胞唯一的本民族文字的期刊,因其与民族团结进步事业息息相关,《三月三》杂志已成广西乃至中国民族团结进步事业的具体象征。因此,办好该期刊,既是中国民族团结进步事业题中应有之义,也是新形势下推进广西乃至中国民族团结进步事业必须做好的工作。  
2. Gij sihgiuz bae fazcanj minzcuz vwnzva. Dawzliux muenxcuk gij sihyau youq gwnz fuengmienh cwngci, bonj cazci 《Sam Nyied Sam》lij ndaej muenxcuk gij sihgiuz bae fazcanj minzcuz vwnzva. Saehsaed gaenq cwngmingz, gij hong benhciz、okbanj caeuq fathengz bonj cazci 《Sam Nyied Sam》neix, gojyij doinyoengx gij fazcanj aen saehnieb vwnzva minzcuz Guengjsae, lumj gij raeuz caez raen haenx, ginggvaq gij fazcanj youq ndaw gaenh 30 bi daeuj, bonj ganhvuz neix gaenq hungmaj baenz aen cindi youqgaenj bae cienzboq gij vwnzva minzcuz Guengjsae. 
2.发展民族文化上的需求。除了满足政治方面的需要,《三月三》杂志还可满足发展民族文化的需求。事实证明,《三月三》杂志的编辑、出版和发行,可推进广西民族文化事业的发展,而经过近30年来的发展,该刊已成长为传播广西民族文化的重要阵地。
3.Baenz gij funghgingj vwnzva daegbied Guengjsae. Aenvih dwg aeu gij vwnzsw ngamq caux mbouj nanz neix——Sawcuengh guh gaiq dak bae cienzboq gij sinsiz minzcuz vwnzva Guengjsae, aen cazci 《Sam Nyied Sam》 dauq baenz gij funghgingj vwnzva daegbied Guengjsae lo. Dangqnaj, bonj cazci 《Sam Nyied Sam》gaenq fathengz daengz gij dieg baihrog Guengjsae caeuq baihrog guek raeuz lumj Baekging、Meijgoz daengj, gij yingjyangjliz daegbied de gaenq baenz mbaw mingzbenq vwnzva gyaeundei ndeu.
3.广西独特的文化风景。因利用新创文字--壮文为载体来传播广西民族文化的信息,《三月三》杂志已成广西文化独特的风景。《三月三》杂志目前发行到区外的北京、国外的美国等,其独特的影响力已成广西一张靓丽的文化名片。
4. Ndaej hawj bouxsij caeuq bouxdoeg Sawcuengh simsoeng. Doenggvaq aen bingzdaiz vwnzva 《Sam Nyied Sam》banj Sawcuengh, gaenh sam cib bi daeuj, gyoengq bouxsij caeuq bouxdoeg Sawcuengh cimzndaej caeuq roxnyinh gij meiliz vwnzva gag miz youq ndaw cazci minzcuz vwnzsw bonjfaenh, gij saenqsik miz naengzliengh ak baujhu、fazcanj minzcuz vwnzva bonjfaenh youz aen cazci neix bae cienzboq haenx, vih gyoengqde cuengqsoeng simcingz、vuenheij bae guh hong caeuq swnghhoz fazveih liux gij cozyung gizyawz bauganh dingj mbouj ndaej haenx. 
4.愉悦壮文作者和读者的身心。通过《三月三》壮文版这个文化平台,近三十年来广大的壮文作者和读者领略到了自己民族文字刊物独有的文化魅力,杂志所传播的保护、发展本民族文化的正能量信息,为他们陶冶身心、愉快地工作和生活发挥了不可替代的作用。
Gij gamhanh youq gwnz goengnaengz cienzboq: Mbouj ndaej launyaenq couh ngaem gyaeuj mbouj gangj, aenvih gij yijyenz sawj gvangq youq daengx aen digiuz、gij yijyenz vwnzsw doengyungh guekgya raeuz youq seizdaih saenqsik fazveih gij cozyung goengnaengz doxgyau、goengnaengz cienzboq yied daeuj yied hung, gij lingjyiz minzcuz yijyenz vwnzsw ndaej fazveih cozyung haenx deng daemhcaenx gvaqdaeuj siengj fazcanj ak mbouj yungzheih, caiq gangj youq aen seizdaih aeu ginghci gensez guh cungsim, gij vunz ngoenzngoenz vih gwndaenj buet gwnz buet laj haenx, haemq yungzheih yawjlawq gij cozyung daegbied minzcuz vwnzsw ndaej fazveih haenx, lumj haujlai bauqganh minzcuz vwnzsw youq ndaw guek raeuz, bonj cazci 《Sam Nyied Sam》 caemh miz baihlaj geij aen vwndiz neix: gij vunzsoq bouxdoeg mizhanh、aeu cwngcwz daegbied daeuj bangfuz、gyoengq bouxsij caeuq bouxdoeg aeu haenqrengz bae gyalai. 
传播功能上的局限:毋庸讳言,由于全球性语言、国家通用语言文字在信息时代发挥的交际功能、传播功能越来越大,民族语言文字发挥作用的领域面临被挤压空间的不利处境,加上在经济建设为中心的时代,每天为衣食奔波的人们极容易忽视民族文字所发挥的独特作用,像全国的许多民族文字报刊一样,《三月三》杂志也面临着读者面局限性大、需要特殊政策扶持、作者群和读者群需要大力培养扩大的问题。
Vih engqndei fazveih gij cozyung daebbied bonjfaenh ndaej muenxcuk gij sihgiuz lai cungj lai yiengh、mbouj lau nyaenq bae nyinh gij gunnanz cazcise seizneix aeu gaijgez, bouxbanganh《Sam Nyied Sam》caemh aeu caeuq gij vunz youq ndaw minzcuz yijvwnz hidungj Guengjsae guhdoih bae roengzrengz, bae guh hong yiengh cauxmoq, gaengawq gij naengzlig baihndaw seizneix miz, giethab gij diuzgienh baihrog seizneix aeundaej, dinghcinj gij fuengyiengq bae roengzrengz, hableix dingh gij muzbyauh ndaw seizgan dinj caeuq gij gveihva fazcanj cungciengzgeiz, yamq dam yamq byaij bae naj, mboujlau miz gunnanz, mboujduenh bae banh ndei gij ganhvuz minzcuz vwnzsw bonj dog ndeu youq ndaw Guengjsae raeuz neix. 
为更好发挥自身满足不同需求的独特作用、正视杂志面临的困难,《三月三》的办刊人也需要和全区的民族语文系统共同努力,创造性地开展工作,根据现有的内部能力,结合外部所具有的条件,明确努力方向,合理确定短期目标和中长期发展规划,一步一个脚印,迎着困难不断办好我区这一份唯一的民族文字刊物。
 Gij cauxmoq gidij aeu daj baihlaj geij fuengmienh neix bae guh:
 具体从如下方面进行创新:
1. Youq hingzsik gwnzde cauxmoq. Aeu roengz rengz bae caenhvaiq guhsat gij gunghcwngz 《Sam Nyied Sam》banjvangjloz. Danghnaeuz ndaej guhsat, couhdwg youq gij gihcuj banjyaenqsaw baihgwnz doiok liux banjdenswj, yienghneix couh gyagvangq gij miengloh fatbouh 《Sam Nyied Sam》, ndaej haemqndei bae fuzvu gyoengq bouxdoeg. Mboengqneix gij cujgvanj bumwnz cazcise——Guengjsae Minzyijveij cingq gensez vangjcan, de caemh youq aen gvanghgya cungjdij ndawde lai louz liux gij banjgvaij 《Sam Nyied Sam》 hawj cazcise, diuzneix dwg gij siusik ceiqndei dangqnaj 《Sam Nyied Sam》 ndaej cuengq youq gwnz vangjloz. Gyoengqraeuz gaenq youq gij banjgvaij haenx cuengq gij vwnzgen yiengh PDF geksik daj 《Sam Nyied Sam》banj Sawcuengh yot ok haenx, diuzgienh haemq ndei seiz aeu doengzseiz doiok gij vwnzgen yiengh “Word” vwnzdangj, dangnaeuz baihlaeng diuzgienh gisuz ndaej caezcienz, raeuz caiq yamq dam yamq bae gyalai sugigu sawfaenz、demlai gij goengnaengz hawj vunz sawj fuengbienh lumj cihciz yacai gij doz、banj caeuq yienghsik codaeuz youq gwnz vangj、saeuj diemj yiengh miz uk ndei、daetbauq suswva daengj. Doengzseiz, doenggvaq Guengjsae Sinhvwnz Cuzbanj Gvangjbo Densigiz, cizgiz bae yiengq Guekgya Sinhvwnz Cuzbanj Gvangjbo Densi Cungjgiz bauq guh aen hanghmoeg “Aen Hudung Caeuq Duihgvangj Bingzdaiz Sawcuengh Vwnzyoz Bouxokmingz Baengh Gij Gihcuj Gisuz Hulenzvangj ”, haenqrengz bae gaijgez gij vwndiz yungzhab caeuq fazcanj 《Sam Nyied Sam》daj meizdij conzdungj byaij bae meizdijmoq. 
     1.形式上的创新。下大力气尽快完成《三月三》上网工程。若完成,无异于在纸质版的基础上推出了电子版,这就扩大了《三月三》的发布渠道,更好地服务了读者。目前主管部门--广西民语委正在进行网站建设,并在总体框架中预留了《三月三》杂志的版块,这也是目前《三月三》上网工程的最大利好消息。我们已先放《三月三》壮文版的PDF格式文件,条件成熟时同时推出Word文档版本,如今后技术条件成熟,再逐步增加文章数据库、支持原图/原版原式下载以及智能搜索、数字剪报等人性化功能。同时通过自治区新闻出版广电局,积极向国家新闻出版广电总局申报“基于互联网技术的壮文文学名家互动与推广平台”项目,力争解决《三月三》从传统媒体向新媒体的融合发展问题。
     2.Youq neiyungz ndawde cauxmoq.  Aeu yawj da naek gij minzcuz vwnzva bonjdieg, gaengawq gij daegdiemj sawfaenz gizganh, haeuj laeg bae haivat gij swnghhoz lai cungj lai yiengh caeuq gij vwnzva cingsaenz Guengjsae gak minzcuz, doengzseiz, boiqhab dangqnaj gij dinghvih cazcise youq Guengjsae, cienq da caemh bae louzsim gak minzcuz ndaw guekgya Dunghmungz caeuq Guengjsae gak minzcuz miz gvanhaeh youh gvangq youh laeg haenx, mboujduenh demlai sawfaenz, bae fanjyingj gij vwnzva gak minzcuz Dunghmungz guekgya caeuq Guengjsae miz nanangq laeg haenx, vih gij canloz hwnqguh yinvu cwngci、ginghci caeuq vwnzva guekgya raeuz roengzrengz bae guh lai di hong.  
    2.内容上的创新。着眼于本土民族文化,根据期刊文章特点深挖广西各民族各方面的生活样态和民族文化精神,同时配合广西目前的定位,眼光移向和广西各民族有千丝万缕联系的东盟国家各民族,不断增加反映有亲缘关系的各东盟国家多民族的文化,努力为国家的政治、经济和文化战略建设任务贡献自己的一份力量。