宁明县群策群力办好《壮语新闻》

发表时间:2013-10-18 05:40  责任编辑:广西民语委  点击:次  来源:未知
Ningzmingz Yen Caezsim Comzrengz
 Banh Ndei《Vahcuengh Sinhvwnz》
宁明县群策群力办好《壮语新闻》
 
    Bineix 7 nyied ndawnyieb, Ningzmingz Yen Minzyijban ciucomz bonj yienh Gvangjbo Densi Giz Sinhvwnzbu cujyin、Vahcuengh boyinhyenz nem gyoengq sinhvwnz gicej daeuj hai codanzvei. Youq mwh hai hoih, daihgya ok geiq ok maeuz, yaenglwnh baenzlawz daezsang gvangjbo、densi《Vahcuengh Sinhvwnz》cizlieng.
    Aen cezmuz《Vahcuengh Sinhvwnz》haibanh geij bi daeuj, gij neiyungz de hopheux gij cungsim gunghcoz dangjveij caeuq cwngfuj, depgaenh saedceij beksingq. Aenvih aeu Vahcuengh dangdieg daeuj boq, vunzlai maij yawj maij dingq, lij ndaej gaepgwnz haenh naeuz dwg “ndaw doengh heuloeg duj vahoengz heu”. Hoeng, dangqnaj aenvih cienzngaenz gig noix、boux guh hong mbouj gaeuq, aen cezmuz neix couh yaek banh mbouj roengzbae lo.
    Cimdoiq yiengh hojcawq neix, ginggvaq yaenglwnh, daihgya nyinhnaeuz wnggai doengzcaez haenqrengz, haekfug gij gunnanz baihnaj, sawj《Vahcuengh Sinhvwnz》 ndaej laebdaeb banh roengzbae, vih ndaw yienh ginghci sevei engq ndei fazcanj, guh ndei senhconz gunghcoz. Doenggvaq baez codanzvei neix, aen yienh neix Minzyijban caeuq Gvangjbo Densi Giz ndaej yigen doxdoengz: Gvangjbo Densi Giz laebdaeb boq《Vahcuengh Sinhvwnz》, Minzyijban lai siengj banhfap, ceng’aeu swcigih、ndaw yienh caizcwng ok cienzngaenz daeuj bangcoengh.
 
汉文稿:
 
宁明县群策群力办好《壮语新闻》
    今年7月下旬,宁明县民语办召开工作座谈会,召集县广播电视局新闻部主任、壮语播音员以及新闻记者们参加座谈,就如何提高广播、电视《壮语新闻》制播质量献计献策。
    《壮语新闻》开播几年来,内容紧扣党委、政府中心工作,紧贴百姓民生。受到了壮族群众的欢迎,得到了上级领导好评“万绿丛中一点红”。在目前资金紧缺、人员不足的情况下,《壮语新闻》面临停播的困境。
    针对这样的困境,经过商讨,大家认为,我们应该互相协助共克时艰,为我们县的《壮语新闻》持续正常开播贡献一份力量,为我们县的经济社会发展做好宣传鼓动工作。通过这次座谈,县广播电视局与民语办达成一致意见,县广播电视局接受继续开播《壮语新闻》任务,民语办再想办法,争取区、县财政给予经费支持。
分享到:
打印本页】  【关闭窗口】  【返回顶部