百色市加快建设“壮族文化生态保护区”

发表时间:2013-10-18 05:41  责任编辑:广西民语委  点击:次  来源:未知
Baksaek Si Gyavaiq Gensez
“Gizdieg Baujhoh Vwnzva Bouxcuengh”
百色市加快建设“壮族文化生态保护区”
 
    Baksaek Si siu digih laeb si 10 bi daeuj, baengh “Baksaek Gijyi” cungj lizsij vwnzva swhyenz neix, gyavaiq gensez “gizdieg baujhoh vwnzva Bouxcuengh”, dap hwnj aen bingzdaiz baujhoh cienzciep vwnzva yizcanj.
    It dwg haeujlaeg vat ok gij minzcuz vwnzva maenhndei Baksaek, dawz Byagamjcuengh giz dieggaeuq Baeuqroxdoh vwnzva neix dajcauh baenz dieg baiq cojgoeng Bouxcuengh; leihyungh Fwenliux Bouxcuengh、fwen “nizdihyah”、Heiqcuengh daengj gij minzcuz vwnzva swhyenz diegwnq mbouj miz haenx, dajcauh yiengh minzcuz vwnzva cinghbinj miz gij daegsaek Baksaek.
    Ngeih dwg leihyungh doengh aen bingzdaiz gak cuz gak yienh (gih) hoh ngoenzciet minzcuz, haibanh gij hozdung angqhoh ngoenzciet fungsug minzcuz gig miz deihfueng daegsaek haenx; dajcauh minzcuz vwnzva cinghbinj, gij fwen foux maenhndei gak minzcuz nyoenx okdaeuj foedfoed, bineix ciengnyied cibngux fungsug minzcuz biujyienj youh ndeiyawj youh nauhyied, gij minzcuz vwnzva swhyenz naekna de cienjvaq baenz mbaw mingzben “Baksaek gyaeundei”gig lwenqda ndeu.
    Sam dwg haiguh “vwnzva huzndei youq gihcwngz”、 “cien duenz fanh ciengz” doengh yiengh ginzcung vwnzva hozdung neix, beizyin gij gihcwngz vwnzva guzgan “giengz goek ndei nungz”, gunghgung vwnzva dijhi gensez daengj guh ndaej hoenghhwdhwd.
    Seiq dwg baujhoh caeuq cienzciep feihvuzciz vwnzva yizcanj, ciuq aen fuengcim “cujyau dwg baujhoh、ciengjgouq daih’it、hableix leihyungh、cienzciep fazcanj” neix bae guh gunghcoz, vwnzvuz caeuq feihvuzciz vwnzva yizcanj ndaej baujhoh nem cienzciep haemq ndei. Dangqnaj, miz 7 aen hanghmoeg、3 boux vunzcienzciep ndaej gyahaeuj ndaw mingzloeg baujhoh feihvuzciz vwnzva yizcanj guekgya gaepbied bae.
    Haj dwg doenggvaq baujhoh nem coihndei dauqfuk doengh gij dieggaeuq lizsij vwnzva, gyagiengz yenzgiu “foujfwngz Baksaek”、 Gouhdingh guek geq、“Sihlinz Gyauan” daengj lizsij vwnzva hungnaek, gyagiengz yenzgiu gwnz lizsij Baksaek bouxmizmingz ndaw vwnzva gyaiq, daezswng aen mingzdaeuz Baksaek.
 
汉文稿:
百色市加快建设“壮族文化生态保护区”
 
    百色市撤地设市10年来,依托“百色起义”历史文化资源,加快“壮族文化生态保区”建设,搭建文化遗产保护传承平台。
    一是深入挖掘百色民族文化精髓,把敢壮山布洛陀文化遗址打造成为中国壮民族朝圣地;利用壮族嘹歌、“尼的呀”民歌、壮剧等具有唯一性的民族文化资源,打造百色特色的民族文化精品。
    二是利用各族各县(区)民族民俗节庆平台,举办具有浓郁地方特色的民族民俗节庆活动,打造民族文化精品,民族歌舞盛典精品迭出,兔年元宵节民俗展演精彩纷呈,丰厚的民族文化资源转化成为“千姿百色”的靓丽名片。
    三是实施“和谐文化在基层”群众文化行动,“千团万场”群众文化活动、“强基惠农”基层文化骨干培训和公共文化体系建设工作有声有色。
    四是保护和传承非物质文化遗产,遵循“保护为主、抢救第一、合理利用、传承发展”的工作方针,文物和非物质文化遗产得到较好保护传承。目前有7个项目、3位传承人进入国家级非物质文化遗产保护名录。
    五是通过对众多的历史文化遗址的保护和修复,加强对“百色手斧”、古句町国、“西林教案”等重大历史文化的研究,加强对百色历代文化名人的研究,提升百色名气。
分享到:
打印本页】  【关闭窗口】  【返回顶部