当前位置: > 民族语文翻译 > 在线阅读 >

壮语文广播学校系列:巨人的花园

发表时间:2017-06-01 08:49  责任编辑:广西民语委  点击:次  来源:广西民语委


Suenva Vunzsang

巨人的花园

 

Gaxgonq, lajmbanj miz aen suenva gyaeundei ndeu. Gizhaenx, seizcin vamoq angj hai, seizhah faexheu mwncub, seizcou mak duengq homfwd, seizdoeng siet hau baenz benq. Bang lwgnyez ndaw mbanj cungj haengj bae gizde guhcaemz.

Bouxcawj suenva dwg boux vunzsang ndeu, de ok rog bae youzlangh gaenq haujlai nanz lo. Ndaw suenva daengx bi cungj miz gij sing,angqriu gyoengqdoih lwgnyez.

Miz bi ndeu seizcou, Vunzsang foedfwd dauqma lo. De raen gyoengqdoih lwgnyez youq ndaw suenva guhcaemz, gig hozndat: “Byawz hawj sou daeuj neix guhcaemz! Ringx ok bae!”

gyoengqdoih lwgnyez ngaiz hwk dwk, buet dwk mingh yaek doek bae.

Gyaep deuz bang lwgnyez neix le, Vunzsang youq suenva seiqhenz caep diuz veizciengz, caemhcaiq laeb gaiq baiz ndeu  naeuz “ Mbouj Ndaej Haeujdaeuj”.

Mbouj geijnanz, rumzbaek cifwdfwd, seiznit daeuj daengz, rumznitdot byoq hwnj sietva. Vunzsang gadog gvaq aen seiznit raezrwgrwg de. Seizcin dauqdaej daeuj lo, ndaw mbanj youh gizgiz hai va hoenghhwdhwd, nanz mbouj nanz cienz daeuj gij sing roeg iq heuh cici cetcet. Hoeng mbouj rox vihmaz, aen suen vunzsang vanzlij dwg seizdoeng, ngoenzngoenz rumznit cifwdfwd, siet biu mbouj dingz. Vunzsang suk fan danz ndeu, lij nit saenzdedded. De naemj: “Seizcin bineix vihmaz baenz nit, mbouj miz saekdi saek heu……”

Ngoenz ndeu haetromh, vunzsang ngaiz cauz singj lo. De yo gyaeuj yawj gvaq bae, raen ndit daj rog cung ciuq haeuj daeuj. Miz geij ndwen mbouj raen gvaq ndit baenz haenq baenz raeuj lo. Vunzsang gikdoengh dwk buet haeuj ndaw suenva, de yawj raen nywj heu va hai, miz haujlai lwgnyez cingq angq guhcaemz, gyoengqde daihgaiq dwg daj giz vaih veizciengz ndonj haeujdaeuj. Gij singriu gyoengqdoih lwgnyez hawj suenva dem lai yiengh seizcin. Hoeng vunzsang youh fatheiq lo: “Gig nanz cij muengh ndaej seizcin daeuj, sou youh daeuj guhfangz. Ringx ok bae!” Bang lwgnyez dingqnyi de ndaq, deuz lumj nou raen meuz nei. Hix couh youq seizneix, va loenq, mbawfaex doek faenfaen, suenva youh ngaiz sietnae goemq dwk. Vunzsang mbouj rox maz yawjyawj seiqhenz, foedfwd raen laj godauz ndwn daeg lwgnyez ndeu.

“Vei! Mwngz ganjvaiq ringx okbae!” vunzsang hongznaeuz. Lwgnyez cix mbouj sikhaek buet deuz, fanjdauq yungh lwgda luenzlili cim vunzsang. Mbouj rox vihmaz, vunzsang yawj lwgda de, ndaw sim roxnyinh ndatnduqnduq. Daeg lwgnyez neix youq laj faex baez yiet fwngz, godauz sikhaek dok nyod oiq, hai ok haujlai dujva gyaeundei.

“O! Dwg baenzneix ha!” Vunzsang doeklaeng mingzbeg lo, dieg mbouj miz lwgnyez couh mbouj miz seizcin. De gipmuengz got umj daeg lwgnyez: “Daiq daeuj seiznit, dwg aensim gaemhmengzhaeksat gou ha! Danghnaeuz mbouj miz mwngz daezsingj, seizcin cix ciengxlwenx ngaiz gou gyaep deuz lo. Docih mwngz!”

Lwgnyez youq gwnz gemj hungloet vunzsang cup mbat ndeu. Vunzsang baez daih,it roxnyinh raeujrub caeuq vuenheij. Ndigah, de sikhaek cek veizciengz, hawj gyoengqdoih lwgnyez haeujdaeuj guhcaemz.

Daj mwhde hwnj, aen suenva vunzsang youh baenz dieg guh`angq gyoengqdoih lwhnyez. gyoengqdoih lwgnyez ndwn laj hengh vunzsang, benz hwnj gwnzmbaq vunzsang, angq dwk guhcaemz. Vunzsang daengxngoenz youq ndaw suenva gyaeundei caeuq bang lwgnyez guhdoih, roxnyinh vuenyungz dangqmaz.


巨人的花园

 

 从前,一个小村子里有座漂亮的花园。那里,春天鲜花盛开,夏天绿树成阴,秋天鲜果飘香,冬天白雪一片。村里的孩子都喜欢到那里玩。

花园的主人是个巨人,他外出旅行已有好久了。花园里常年洋溢着孩子们欢乐的笑声。

 有一年秋天,巨人突然回来了。他见到孩子们在花园里玩耍,很生气:“谁允许你们到这儿来玩的!都滚出去!”

 孩子们吓坏了,四处逃散。

 赶走孩子以后,巨人在花园周围砌起围墙,而且竖起一块“禁止入内”的告示牌。

 不久,北风呼啸,隆冬来临,刺骨的寒风吹起雪花。巨人孤独地度过了漫长的严冬。春天终于来了,村子里又开出美丽的鲜花,不时传来小鸟的欢叫。但不知为什么,巨人的花园里仍然是冬天,天天狂风大作,雪花飞舞。巨人裹着毯子,还瑟瑟发抖。他想:“今年的春天为什么这么冷,这么荒凉呀……”

 一天早晨,巨人被喧闹声吵醒了。他抬头望去,一缕阳光从窗外射进来。好几个月没见过这么明媚的阳光了。巨人激动地跑到花园里,他看到花园里草翠花开,有许多孩子在欢快地游戏,他们大概是从围墙的破损处钻进来的。孩子们的欢笑使花园增添了春意。可是巨人又发脾气了:“好容易才盼来春天,你们又来胡闹。滚出去!”孩子们听到可怕的训斥,纷纷逃窜。与此同时,鲜花凋谢,树叶飘落,花园又被冰雪覆盖了。巨人不解地看看四周,突然发现桃树底下站着个小男孩。

 “喂!你赶快滚出去!”巨人大声叱责。小男孩没有拔腿逃跑,却用他那会说话的眼睛凝视着巨人。不知怎么,巨人看着他的眼神,心里感到火辣辣的。这个小男孩在树下一伸手,桃树马上绽出绿芽,开出许多美丽的花朵。

 “噢!是这么回事呀!”巨人终于明白,没有孩子的地方就没有春天。他不禁抱住了那个孩子:“唤来寒冬的,是我那颗任性、冷酷的心啊!要不是你提醒,春天将永远被我赶走了。谢谢你!”

 小男孩在巨人宽大的脸颊上亲了一下。巨人第一次感到了温暖和愉快。于是,他立刻拆除围墙,把花园给了孩子们。

 从那以后,巨人的花园又成了孩子们的乐园。孩子们站在巨人的脚下,爬上巨人的肩膀,尽情地玩耍。巨人生活在漂亮的花园和孩子们中间,感到无比的幸福。(

 


 

 

 

 

 

 

 

 

 

 

 

 

 

 

 

 

 

 

打印本页】  【关闭窗口】  【返回顶部
下一篇:没有了