当前位置: > 民族语文翻译 > 在线阅读 >

壮语文广播学校系列:相思湖赞

发表时间:2017-02-09 08:19  责任编辑:广西民语委  点击:次  来源:未知
Danqhaenh Sienghswhhuz
Luz Yuzgangh
相思湖赞

 
      Youq Guengjsae Minzcuz Dayoz camgya beizyin haj ngoenz, moix ngoenz byaijgvaq henz Sienghswhhuz geij baez, hawj gou caeuq aen huz neix ‘sugnaj’ hwnjdaeuj. Ngoenzneix gou foedfwd siengjdaengz, aeu sij bienq faenzcieng ndeu daeuj danq aen huz gyaeundei youh daegbieg neix.
      Sienghswhhuz, geiq ndaej mwh gou lij youq Vujmingz doegsaw, dingqnyi miz vunz lwnh mwngz dwg yienghneix daeuj: Gaxgonq dieg neix dwg diegfwz rij laeg, 50 nienzdaih mwh ngamq laebguh hagdangz, dwg lauxsae dazyinx 130 lai boux Cuengh、Myauz、Yauz、Dung、Gingh daengj minzcuz hagseng mbouj lau sinhoj, yungh gvak vat mbaq rap dawz mwngz guhbaenz huz. Codaeuz mwngz lij caengz miz mingzcoh ne! Doeklaeng bouxsijsei mizmingz Se Gyozcaih daeuj neix gaujcaz, raen yiengh mwngz baenzneix gyaeundei, caemhcaiq seiqhenz maj miz golimz, lingzganj daeuj le couh heuh mwngz guh ‘Sienghswhhuz’. Gou rox, daj ngoenz miz mwngz hwnj, dieg neix bienqbaenz gaiq dieg gungganq ganbu Guengjsae. 60 lai bi fwnfwn rumzrumz gvaqdaeuj, gaenq miz baenz cien gvaq fanh bouxcoz daj Guengjsae gak dieg comz daeuj henzndang mwngz hag cihsiz. Gak cuz beixnuengx youq neix doxndiep doxgyaez, caezsim caux aen ranz hung minzcuz doxgiet Guengjsae raeuz.
      Sienghswhhuz, miz mwngz daeuj nyinhcumx, ndoeng faexge Minzcuz Dayoz cix bienq ndaej baenzneix sanggywg mwncup, cij it bi seiq geiq heuyauyau. Heux gvaq dangqnaj Vaigozyij Yozyen, roxnyinh mwngz hawj doengh gij ranz dingjsoem engq miz yiengh funghcingz Dunghnanzya.
      Naengh youq ndaw ranzdiengz henz mwngz, yawjngonz gingj gyaeu seiqhenz dwg gienh saeh cwxcaih simsangj ndeu. Sienghswhhuz, gizsaed mwngz youq neix mbouj rox gadog, aenvih gyoengq vunzcoz ceiq maij comzyouq henz mwngz gangjgoj, maij fwngz gaem fwngz youq henz mwngz damzyoux ne! Mwngz mbouj dwg aen daemzraemxdai ndeu, aenvih ciengz miz bang mbauqcoz ndeu youq gyangrungj mwngz doxdax vad ruzlungz, guh hawj mwngz gienj hwnj caengzcaengz raemxlangh. Mwngz dwg aen huz ceiq miz fukheiq ndeu, ndaej daujingj doengh gij ngaeuzvunz mbouj caemh aen minzcuz.
      Sienghswhhuz, ngoenzneix mwngz bienq ndaej baenzneix gyaeundei maez vunz, dwg gyoengq gak cuz beixnuengx daih riengz daih caezsim daeuj ganqhoh. Mboujgvaq, mwngz hix gig roxyiuj yungh gij gyaeundei daeuj gyo,mbaiq gyoengqde. Mwngz mbouj lumz aencoh swhgeij dwg boux guhsei an hawj, dawz gij lingzganj sij faenzcieng  daeuj soengq hawj vunz, coi ok aen Vwnzyozse Sienghswhhuz, coi ok bang cozgyah Sienghswhhuz, hawj gyoengqde mingz yiengz lajbiengz.
      Sienghswhhuz, mwngz canggyaeu Guengjsae Minzcuz Dayoz, hawj de ngoenzneix yinxndaej doengh bouxcoz Dunghnanzya daengz neix hag vwnzva Cungguek, hawj gizneix bienqbaenz aen gyauhliuz bingzdaiz gozci ndeu, coicaenh guek raeuz ginghci mouyiz caeuq hozbingz saehnieb fazcanj baenaj.
      Sienghswhhuz, gaxgonq mwngz cij ngamq dwg aen huzraemx gig bingzciengz ndeu, hawj vunz youzlangh yawjngonz; seizneix lizsij youh soengq hawj mwngz cungj hong moq ndeu, de baugvat gauhduenh vwnzva、 baugvat gozci gyauhliuz、baugvat canjnieb moqsat……
      Sienghswhhuz, mwngz dwg aen huz miz fukheiq ndeu, gak minzcuz beixnuengx youq neix ndaej mwngz daeuj nyinhcumx , maqmuengh baenz caen, gou danqhaenh mwngz!


 
相思湖赞

 
        在广西民族大学参加培训五天,每天几回路过相思湖,渐渐地和这个湖泊‘熟面’起来。今天猛然一想,该写一篇文章来赞美这个美丽而又独特的湖泊。
        相思湖,记得我还在武鸣读书的时候,听到有人说你的来由:以前这里是一处沟壑纵横的荒地,刚建校的50年代初期,是老师带领130多名壮、苗、瑶、侗、京等民族的学生发扬延安抗大精神,肩挑锄挖把你筑建起来。开始你还没有名字呢!后来著名诗人谢觉哉来此考察,见到你的容颜如此美丽,而且湖边长有相思树,诗人灵感一来便给你起名‘相思湖’。我知道,自你诞生之日起,这里变成广西革命干部的摇篮。60年的风雨历程,曾经有成千上万年轻人从广西各地汇聚到你身旁学习文化知识。各族同胞在这里团结协作,齐心共建广西民族团结大家庭。
        相思湖,有你来滋润,民族大学那片松林才变得高耸青翠,四周的花草树木才会四季常青。绕过外国语学院的大门前面,觉得你让这些尖顶建筑群更加具有东南亚风情。
坐在你旁边的凉亭,欣赏四周美景是一件舒心的事。相思湖,其实你在这里不会孤独,因为那些年轻人喜欢聚在你身旁闲谈,喜欢手牵着手在你身边谈情说爱呢!你不是一潭死水,因为常有一帮年轻小伙子在你的怀抱里竞技龙舟,弄得你翻起层层波浪。你是一个很有福气的湖泊,倒映着不同民族同胞的身影。
        相思湖,今天你变得如此美丽迷人,是有各族兄弟一代接一代共同把你呵护。不过,你也会感恩他们。你不忘记自己的名字是诗人赋予,把创作灵感回赠人们,促成相思湖文学社,促成相思湖作家群,让他们闻名于世。
        相思湖,是你装扮广西民族大学,让它今天引来东南亚各国的年轻人到来这里学习中国文化,给这里变成一处国际交流平台,促进我国经济贸易及和平事业向前发展。
        相思湖,以前你只是一个极为普通的湖泊,给人观光消遣。现在历史又赋予你新的历史使命,这个使命包括高端文化、包括国际交流、包括新生产业……
        相思湖,你是一个福湖,各民族兄弟在这里得到你的滋养,梦想成真。我赞美你!