当前位置: 主页 > 民族语文翻译 > 在线阅读 >

壮语文广播学校系列:成语故事“门庭若市”

发表时间:2017-01-16 15:51  责任编辑:广西民语委  点击:次  来源:未知
Vunz Lai Lumj Ndawgai
门庭若市
 
      Seiz Cangoz, Cizgoz miz boux guen ndeu heuh Couh Gi, vunz yienghceij gig baenzmbauq, hoeng caeuq Cizgoz boux baenzmbauq okmingz Cizgungh doxbeij, de mizdi saenqsim mbouj cuk, mbouj rox byawz engq baenzmbauq, yienghneix de gonqlaeng cam yah、 yahnoix caeuq bouxhek daeuj cunz, doeklaeng sam boux  haenx cungj naeuz de engq baenzmbauq.
      Hoeng gvaq geij ngoenz le, Cizgungh daeuj ranz Couh Gi baiqcunz, Couh Gi baenzneix cijrox bonjfaenh  mbouj beij Cizgungh baenzmbauq. Cizgungh baema le, Couh Gi naemj haujlai nanz: “Vih maz gij vah vunz ndaw ranz gou、 bouxhek gangj haenx caeuq gou bonjfaenh caenda yawjraen mbouj doxdoengz ne? Mehyah aenvih ndiep gou; yahnoix aenvih lau gou; bouxhek aenvih yaek gouz gou, ndigah cungj naeuz gou engq baenzmbauq. Gizsaed gou baenzlawz beij Cizgungh baenzmbauq ha.” Ngoenz daihngeih hwnjcauz seiz, de couh dawz bonjfaenh deng muenz gienh saeh neix gangj hawj Cizgoz Veihvangz dingq, caemhcaiq gienq naeuz: “Seizneix Cizgoz dieg gvangq huq lai, daihvuengz raen vunz beij gou lai ndaej lai, itdingh deng muenz engq lai. Daihvuengz danghnaeuz ndaej caensim fouzsei cam vunz miz maz yigen, itdingh doiq guekgya mizik.” Cizgoz Veihvangz roxnyinh miz dauhleix, sikhaek roengzlingh naeuz: “Mboujguenj dwg bouxlawz, ndaej youq dangqnaj gangj ok gij loek gou, couh ciengj gij ceiq ndei hawj de; sij faenzcieng yienq gou, couh ciengj gij haemq ndei hawj de; youq gwnz gai lwnh gou caemhcaiq cienz daengz conghrwz gou, couh ciengj gij haemq ca hawj de. ” Mingling mbat roengz, gyoengq guen doxciengj yienq, bakdou ciuzdingz ngoenznaengz lumj ndaw haw nei, nauhyied raixcaix.
      Doeklaeng, vunzlai gaengawq aen goj neix gaigoz baenz cwngzyij “vunz lai lumj ndawgai”, eiqsei dwg bakdou caeuq gyanghongh nauhyied lumj ndawhaw nei, dajbeij vunz baedauq doxgyaulouz lai dangqmaz. 



门庭若市
 
      战国时,齐国有位士大夫叫邹忌,人长得很英俊,但与齐国有名的美男子徐公相比,他却有些信心不足,不知谁更漂亮一些,于是他先后问妻子、爱妾和一位来访的客人,结果三人都说邹忌更英俊。
      可是,过了几天,徐公上门拜访邹忌,邹忌这才发现自己根本没有徐公漂亮。徐公走后,邹忌想了很久:“为什么我的家人、客人所说的和我自己亲眼看到的会不一样呢?妻子因为偏爱我;爱妾因为惧怕我;客人因为有求于我,都说我更英俊。其实我哪有徐公漂亮啊!”第二天早朝时,他便把自己受蒙蔽的事说给齐威王听,并劝谏说:“现在齐国地大物博,大王接触的人也比我多得多,一定受了更多的蒙蔽。大王如果能开诚布公地征求意见,一定对国家有益。”齐王觉得很有道理,随即下令说:“不管是谁,能当面指出我过失的,给上赏;上奏章规劝我的,给中赏;在街市中议论我并传入我耳中的,给下赏!”命令一下,群臣争相进谏,朝廷门口每天像市场一样热闹。
      后来,人们就根据这个故事概括为成语“门庭若市”,意思是门口和庭院里热闹得象市场一样,形容交际来往的人很多。