当前位置: > 民族语文翻译 > 在线阅读 >

壮语文广播学校系列:成语故事“摩肩接踵”

发表时间:2017-01-16 15:46  责任编辑:广西民语委  点击:次  来源:未知
Doxbungq Doxcaenx
摩肩接踵
   
      Yenswj dwg vunz Cizgoz seiz cunhciuh, dang gvaq caijsieng Cizgoz. De vunz daemqdet, hoeng gig coengmingz. De deng baij bae Cujgoz seiz, Cujgoz vuengzdaeq baij vunz youq gwnz henz dousingz ven aen conghma ndeu, hawj Yenswj daj gizhaenx haeuj singz. Yenswj rox Cuzvuengz baenzneix guh dwg daegdaengq heifouh de maj ndaej daemq, hoeng de lijdwg cangguh doeksaet dwk naeuz:“Nanzdauh ngoenzneix gou daeuj daengz guekma la? Caenhmiz guekma cij mbouj hai dousingz cix hawj vunz byaij conghma.” Dingqnyi gij vah neix le, Cuzvuengz cijndei hawj Yenswj daj dousingz haeuj singz.
      Dang Yenswj daeujdaengz ndaw gungdiemh Cujgoz vuengzdaeq le, Cuzvuengz lij siengj laebdaeb heifouh de maj ndaej daemq, couh cam naeuz: “Dwg mbouj dwg Cizgoz mbouj miz vunz lo, cij baij mwngz daeuj aenguek gou? ” Yenswj fanjbuek naeuz: “Aen gingsingz Linzswh Cizgoz dou miz bak geij diuz gai, geij fanh hoh vunz, gyoengqvunz caez mbe genbuh okdaeuj couh ndaej dangj ndit, doengzcaez uet hanh couh lumj gwnzmbwn doek fwn nei, gij vunz gwnz gai mbaq dep mbaq, giujdin bungq giujdin, baenzlawz naeuz mbouj miz vunz ne? ” Yenswj ciepdwk fanj riu de naeuz: “Daihvuengz mwngz mbouj rox, vaigyauh gveigawj guek dou dwg: guenmaenh ndaej baij bae aen guek miz vuengzdaeq maenh haenx, guenbou cijndej baij bae aen guek vuengzdaeq bou haenx. Gou dwg boux ceiq bou, ndigah couh deng baij daeuj mwngz gizneix lo.” Cuzvuengz gangj mbouj gvaq de, gag rox saetnaj, cijndei hoenghhwd dakdaih Yenswj.
      Aen goj gwnzneix, Yenswj naeuz Linzswh vunz lai, gwnz gai gig nauhyied, vunz byaij mbaq dep mbaq, giujdin bungq giujdin, cwngzyij “doxbungq doxcaenx” couh daj neix daeuj lo. 



摩肩接踵
 
      晏子是春秋时期的齐国人,曾任齐国的相国。他个子很矮,但非常聪明。他出使楚国时,楚王派人在城门边上挖了一个狗洞,让晏子从那里进城。晏子知道楚王这么做是想存心侮辱他个子矮,但他还是故作惊讶地说:“难道我今天来到狗国了吗?只有狗国才不开城门而让人走狗洞。”听了这话,楚国只得让晏子从城门进城。
      当晏子来到楚王的宫里时,楚王还想继续侮辱身材矮小的他,便问道:“是不是齐国没人了,才派你出使我国?”晏子反驳道:“我们齐国的都城临淄有上百条街道,几万户人家,人们一齐张开衣袖就能遮住太阳,一起挥汗时就像天上下起了雨,街上的行人肩挨着肩,脚跟碰着脚跟,怎么能说没有人呢?”晏子接着反唇相讥道:“大王有所不知,我国的外交规矩是:贤臣出使有贤明君主的国家,无能的臣子只能出使由无能之君治理的国家。我是最无能的,所以就被派到您这儿来了。”楚王自找没趣,不能应付,只得很隆重地接待晏子。
      以上故事中,晏子说临淄人口众多,大街上非常繁华,行人肩挨着肩,脚跟碰着脚跟,就是成语“摩肩接踵”的出处。