当前位置: 主页 > 民族语文翻译 > 在线阅读 >

壮语文广播学校系列:民工意外受伤,没有获得赔偿怎么办?

发表时间:2016-12-06 10:08  责任编辑:本站编辑  点击:次  来源:未知
Minzgungh Loeklak Deng Sieng,Mbouj Ndaej Boiz Cienz Baenzlawz Guh?
民工意外受伤,没有获得赔偿怎么办?
 
Gungh lizswh:
        Vangz moux dwg boux baugoengdaeuz mbouj miz swhciz guh gencuz he, de doenggvaq gvanhaeh daj aen gencuz gunghswh ndeu faenbau ndaej mbangj gunghcwngz, couh dauqcawq ciusou minzgungh, gou deng de ciusou daeuj guhhong, hoeng mbouj ciem guhhong habdoengz. 2 ndwen gaxgonq, gou youq guhhong seiz loeklak deng sieng. Gou deng sieng le, Vangz moux caeuq gencuz gunghswh mwngz doi gou gou doi mwngz, cungj naeuz mbouj gven swhgeij boiz. Daengz seizneix gou caengz ndaej saek faen cienz boiz. Yaek cam, gou wnggai baenzlawz guh?
                                                                                                                                                                                                         Bouxdingq Vwnh Cin
Vwnh Cin bouxdingq:
        Vangz moux cwngzbau gencuz gunghswh mbangj gunghcwngz le, goq mwngz daeuj guhhong, caeuq mwngz baenz le goq yungh gvanhaeh. Ciuq Ceiqsang Yinzminz Fazyen《Gejgangj Mizgven Mbangj Vwndiz Faplwd Hab Yungh Saemj Anq Vunz Deng Sienghaih Boiz Cienz》daih 11 diuz gvidingh, boux guh honggoq guhhong seiz deng sienghaih, bouxgoq wngdang rap boiz cienz cwzyin. Boux fatbau、boux faenbau rox  roxnaeuz wngdang rox bouxgoq ciep hong fatbau roxnaeuz faenbau mbouj miz ciep hong swhciz roxnaeuz ancienz swnghcanj diuzgienh, wngdang caeuq bouxgoq caez rap lienzdaiq boizhawj cwzyin.
Mwngz guh honggoq deng sieng, bouxgoq Vangz moux ciuq fap wngdang rap boiz hawj cwzyin. Gencuz gunghswh dawz gunghcwngz faenbau hawj Vangz moux boux mbouj miz sihgungh swhciz neix guh, gencuz gunghswh miz loekcak, ndigah wngdang doiq mwngz deng sieng cauhbaenz sonjsaet aemq lienzdaiq boizhawj cwzyin. Danghnaeuz doxyaeng gaijgez mbouj ndaej, mwngz ndaej bae fazyen gauq, dawz Vangz moux caeuq gencuz gunghswh caezcaemh gauq, yauhgiuz de rap lienzdaiq boizhawj cwzyin.


民工意外受伤,没有获得赔偿怎么办?
 
龚律师:
        王某是个无施工资质的包工头,他通过关系从一家建筑公司拿到了部分工程的分包权,便四处招收民工,我被其招来施工,但没有签劳动合同。2个多月前,我在施工中意外受伤。在我受伤后,王某和建筑公司互相推诿,都说自己没有赔偿责任。至今我一分钱都没有获得赔偿。请问,我该怎么办?
                                                                                                                                                                                                            听众  温 峻
温 峻听众:
        王某承包了建筑公司部分工程后,雇佣你来施工,与你形成雇佣关系。按照最高人民法院《关于审理人身损害赔偿案件适用法律若干问题的解释》第11条的规定,雇员在从事雇佣活动中遭受人身损害,雇主应当承担赔偿责任。发包人、分包人知道或者应当知道接受发包或者分包业务的雇主没有相应资质或者安全生产条件的,应当与雇主承担连带赔偿责任。
你在雇佣活动中遭受人身损害,雇主王某依法应承担赔偿责任。建筑公司将工程分包给没有施工资质的王某施工,建筑公司存在过错,因此应对你受伤造成的损失负连带赔偿责任。如果协商无法解决,你可提起民事诉讼,将王某和建筑公司列为共同被告,要求他们承担连带赔偿责任。